monumenta.ch > Hieronymus > bnf10439.258 v > csg68.369 > sectio 129 > csg48.100 > sectio > sectio 132 > sectio 143 > sectio 514 > ad Philippenses, 2 > sectio 14 > sectio 16 > csg48.391 > bnf9389.326 > sectio 7 > sectio 43 > sectio 20 > sectio > sectio 26 > sectio 19 > 27 > sectio 56 > sectio 20 > csg51.139 > csg98.182 > sectio 28 > sectio 13 > sectio 17 > sectio 17 > bnf10439.256 v > sectio 25 > csg75.447 > Petri I, 3 > sectio 33 > sectio 7 > sectio 9 > sectio 542 > sectio 18 > sectio 20 > sectio 7 > sectio 23 > sectio 32 > sectio 594 > 26 > sectio 31 > sectio 10 > Petri I, 3 > sectio 25

Word Selection for Searching

Report an Error in this Sectio
Hieronymus, Epistulae, 4, 116, 25
'Dent veniam quilibet aliud opinantes; ego magis credo tanto Apostolo in suis litteris iuranti, quam cuique doctissimo de alienis disputanti. Nec dici timeo, me sic Paulum defendere, quod non simularit errorem Iudaeorum, sed vere fuerit in errore. Quoniam neque simulabat errorem qui libertate Apostolica, sicut illi tempori congruebat, vetera illa sacramenta, ubi opus erat agendo, commendabat ea, non solum Satanae versutia decipiendis hominibus, sed Dei providentia, praenuntiandis rebus futuris prophetice constituta. Nec vere fuerat in errore Iudaeorum, qui non solum noverat, sed etiam instanter et acriter praedicabat eos errare, qui putabant gentibus imponenda, vel iustificationi quorumcumque fidelium necessaria.'